Հայաստանում ապրող այս մարդկանց դեպքում, սակայն, այդ արժանիքը հետաքրքիր է ոչ միայն բովանդակությամբ, այլև ճակատագրի բերումով նրանց բաժին հասած երկփեղկվածությամբ։

Պարզ թվաբանությամբ այս մարդկանց կյանքը բաժանվում է հավասար երկու կեսի՝ 35 + 35։

70 տարեկան մարդիկ, որոնք հայկական «Ֆակտում» փաստագրական կենտրոնի և վրացական «Ռե» ստուդիայի արտադրած հաղորդումների հերոսներն են, հակադիր ժամանակների ու տագնապալի փոփոխությունների կենդանի վկաներ են և հաճախ ոչ միայն անձնական զգացողություններ ու տպավորություններ են փոխանցում, այլև ժամանակներն ու հասարակարգերը բնորոշող հուշեր, որոնք հնարավոր չէ գտնել հանրագիտարանային տեղեկատուներում։

Հաղորդումները նախագծելիս ե՛վ հայկական «Ֆակտում»-ը, ե՛վ վրացական «Ռե»-ն աշխատել են հասնել հնարավորինս լայն բազմազանության՝ ներգրավելով աշխարհագրական տարբեր վայրեր, մասնագիտություններ և, իհարկե, ձգտելով սեռային հավասարության։